متابعة : محمد ابوقميحة
من الجوع ماحدش بيموت من الجوع ..خايف من الموت ؟؟ماكده كده كلنا هنموت. ..خايف من الديون كلنا مديونين ومصر كلها مديونه ….خايف من الوحده؟؟ماانت كده كده لوحدك طول عمرك وهتندفن لوحدك وهتتحاسب لوحدك …خايف العمر يجري وانت لسه مستني تعيش صدقني مش هتعيش الا لما تموت …والعمر كله لحظه …خايف علي ولادك ؟؟مش انت رازقهم ولا انت حافظهم ليهم رب اقرب ليهم منك ….خايف من ايه ؟؟؟الحاجه الوحيده اللي تخاف منها أن مايكونش ربنا راضي عنك أو ماشي في طريق غلط ومكمل فيه مايرضيش ربنا …الشيء الوحيد اللي تخاف منه نقص ايمانك بأن الله القاهر فوق عباده واكبر من العالم كله بخيره وشره …والرجوع ليه سهل اوي يمحيلك اللي فات كله ويفتحلك الباب تدخل في رحمته بدعوة خالصه من القلب ….قوله انك ضعيف وولا حاجه من غيره وانك مش عايز غيره وبيع نفسك ومالك ليه هو واتقي الله في كل عمل ولفظ ونفس …ماتشوفش غيره وعظمه جواك هينتشر حولك عظمته وهيحميك ويجتبيك ويصطفيك ….ربنا عظيم اوي والله وحب رسوله فيض من العطاء والسعاده ارسله لينا رحمه وجعله فينا وجوانا…هو ده الحب الحقيقي اللي لو عيشته هتحس بطعم الحياه ولو انقطعت رقبتك فداه والله ما هتحس بالم …ولو مسكت النار هتحس أنها ثلج طول ما في قلبك حب الله ورسوله …..لو لسه الحب ده مش مالي قلبك اقرا عن الرسول كثير حاول تشوفه بقلبك لأن هو ده الحب الحقيقي اللي بدور عليه طول عمرك يخليك تصنع المعجزات بالله وتتحمل مالا يتحمله بشر باجمل ابتسامه ورضا …….ربنا يثبتنا ويقوي إيمانا ويتممه وينصرنا يارب بالحق …
