المدير الفني لنادي بروكسي محمد حامد ورسالته الي داعمين الفريق
محمود الشرنوبي
تلقي نادي بروكسي اليوم هزيمته في كأس مصر أمام نادي الزمالك ٣/٢ في مباراه قويه كان للفريق فيها التفوق خلال المباراه ولكن لم يحالفه الحظ وقد وجه الكابتن محمد حامد المدير الفني للفريق رساله الي جمهوره كتب فيها
وكان فضل الله عليك عظيما صدق الله العظيم
بداية يتوجه باسمي ايات الشكر والعرفان لكل الناس المحترمه اللي قالت في حقنا كلمة طيبة ولكل انسان محترم كان حريص علي الاتصال بي عقب مباراة الزمالك كل الشكر والتقدير لشركاء النجاح الاستاذ فريد جليله والمهندس باسم بهاء
ومهما تحدثت لن اوفي اللاعبين الرجالة وكل اعضاء الجهاز الفني حقهم لان الاداء اللي مصر كلها بفضل الله بتشيد به جاء تتويج لجهود كبيرة لكل عناصر الفريق اللي ثقتي فيهم عمرها ما اهتزت لحظه رغم عدم التوفيق اللي اتعرضنا له في الفترة الاخيرة .
الحمد لله علي كل شي مصر كلها شافت الاداء الكبير امام الزمالك وبشهادة الجميع كنا نستحق الفوز عن جدارة واستحقاق لولا التعنت التحكيمي الواضح وضوح الشمس فالجميع شاهد كيف تغاضي الحكم عن احتساب ضربتي جزاء لا يختلف عليهما شخص واحد
الحمد لله اللي حصل النهاردة رد لى حقي ممن شككوا في قدراتي وكانوا يرددون انى بشتغل كمدرب بفلوسي وللاسف منهم ناس كتير حاولت تشويه الصورة رغم اني ويشهد الله بتمني كل الخير لكل الناس وبتعامل مع الجميع بحب واخلاص
النهارده حسيت ان ربنا سبحانه وتعالي بيكرمنى ويجبر بخاطري وبيجيبلي حقى من كل من حاول التقليل من جهدى وكفاحي خلال السنوات الماضية
انا فخور بكل جماهير بلدنا ابو المطامير والنوبارية وكل القري وجماهير محافظتنا البحيرة بشكل عام واسفين كان نفسنا نعمل افضل من كده لكن قدر الله وماشاء فعل .
